Skip to main content
Wie is Karlin?
Dis die een vraag wat ek myself al menigte male gevra het, “Wie is Karlin?”. Well, om met jou dood eerlik te wees…

Ek is ‘n baie vriendelike en opregte mens, met onbeperkte deernis vir my medemens, sowel as begrip, insig en uiststekende waarnemings vermoë om ‘n situasie op te som en dien ooreenkomstig  vinning op te tree.  Alhoewel  ek ‘n ekstrovert is, hou ek van my privaatheid na ure. Terwyl ek bedags ‘n joernalis is, is ek daar vir die lesers om die waarheid te openbaar en om die onbekende tot op die been oop te vlek.  Dit is vir my ontsettend belangrik dat die lesers my vertou ten opsigte van bekendmaking van inligting.  Lesers wat genot uit my skrywe put, sal dus altyd terug kom vir die opvolgende boeiende nuus.

‘n Paar interessante feite oor myself en wat niemand al dag van weet nie is dat my familie vir my baie belangrik is.  My liefde vir my mense is onbeperk. Hulle het my geslyp in die persoon wat ek vandag is, die passie vir lewe wat ek het, die klein gewoontes en al die dinge waarvan ek hou.  Musiek, dans, stap toere, sosiale byeenskomste soos “Inni Bos” wat jaarliks in Nelspruit gehou word is maar bietjie druppels in die emmer. My ander groot liefde is vir diere.  As kind het ek omtrent elke dier waaraan jy kan dink in ons tuin gehad. ‘n Klein dieretuin as jy my vra;)  My grootste afkeur is as kinders of diere mishandel word.  Onmenslikheid kan ek nie verdra nie.

In die lewe loop drome en vrese soms hand aan hand.  Drome kan in ‘n oogwink verander en dan staan jou grootste verse voor jou.  Soms kan jou grootste drome wat al besig was om te verwesenlik in die grootste nagmerrie ontaard. My grootste droom is om die beste joernalis te kan wees. En daarom vir my as persoon is dit belangrik om altyd aan te hou en nooit op te gee nie. Ek is bang vir geen uitdaging!


Ter afsluiting kan ek met trots se dat dit fantasties is om iemand te wees wat ‘n verskil in mense se lewens wil maak. En ek sal elke dag probeer streef daarna. So ja dit is al wat ek het en nou weet jy wie is Karlin.


Comments

Post a Comment

Popular posts from this blog

Vryheid is verantwoordelikheid.

VRYHEID IS VERANTWOORDELIKHEID. In vandag se lewe is daar verskillende aspekte van persoonlike, en sosio-politieke vryhede wat as “Menseregtedag” op 21 Maart en “Vryheidsdag” op 27 April gevier word, - waar dit saamgebind is in ons Suid-Afrikaanse grondwet.  Die samebinding is ons aller belangrikste “Handves van Regte”, waarvan Vryheid en sekerheid van ‘n persoon en reg op liggaamlike en sielkundige integriteit, vir my as joernalis meer uitstaan bo die ander. Met die regte is ‘n joernalis se eie mening, en emosionele gevoel ten opsigte van ‘n gebeurtenis, nie toelaatbaar nie. En ook moet ‘n joernalis altyd die waarheid, die werklike stand van sake en inligting wat relevant is weergee.  Dit is ‘n joernalis se reg en verantwoordelikheid.   Met betrekking tot die reg van Vryheid en sekerheid van ‘n persoon is dit so maklik om ‘n persoon van sy vryheid te ontneem, daarom mag geen persoon van sy vryheid ontneem word sonder gegronde rede of sonder ‘n hof uitspraak nie...
Post a Comment
Read more
Wat dink jy? Robert Gabriel Mugabe is 21 Februarie 1924 gebore.  Hy het grade verwerf en in die 1950’s was hy ‘n onderwyser. Gedurende 1963 was hy ‘n mede stigter van ZANU.  Tydens sy terug keer na Rhodesia in 1964 is hy gearresteer en was vir 10 jaar in die tronk.  Hy was ‘n politiekie gevangene onder Ian Smith se regering.  Gedurende sy 10 jaar in die tronk het hy verskeie grade verwerf.  Mogabe is 1974 vrygelaat uit die tronk en die ZANU-PF gelei. Mugabe is as die eerste minister van Zimbabwe gekies 1980.  Na sy termyn verstryk het, is Mugabe verkies as uitvoerende president in 1987.   In 1993 het Mugabe gedreig om blanke boere se grond te onteien, waar die boere dan daarna terug gedeporteer sou word na swart Zimbabwe.  Mugabe het in die jaar 2000 blanke boere instruksie gegee om hul plase te verlaat en op te gee.  Die landbou produksie het skerp gedaal, en die ekonomiese toestand het baie versleg  na die boere hul plase o...
Post a Comment
Read more